Purwakanth

        Purwakanthi asale saka tembung "purwa" tegese wiwitan lan "kanthi" tegese nggandheng/ nganggo. Purwakanthi tegese nggandheng kang kasebut ing wiwitan, dene kang digandheng iku swarane, utawa aksarane lan bisa uga tetembungane. Panemu liya ngandhakake, purwakanthi yaiku aksara, swara utawa tetembungan kang padha ing sajroning ukara. Ing basa Indonesia diarani bunyi, sajak utawa rima.
Purwakanthi kaperang dadi telu:
a. Purwakanthi guru swara
    Yaiku purwakanthi sing padha swara ing pungkasaning tembang.
    Tuladha:
    - Sing jujur bakal mujur, sing cidra bakal cilaka. (padha swara "ur" lan "a")
    - Sing ora cepet, ora bakal ngliwet. (pada swara "et")
b. Purwakanthi guru sastra
    Yaiku puwakanthi sing padha tulisane utawa aksarane ing saben
    wiwitane wanda utawa tetembungane.
    Tuladha:
    - Saben seba saratane slendhang sampur. (padha aksara "s")
    - Kanthong kula kothong kantun kalih ewu. (padha aksara "k")
c. Purwakanthi guru basa utawa lumaksita
    Yaiku purwakanthi sing padha kabeh tetembungane.
    Tuladha:
    - Bayem arda, ardane ngrasuk busana. (padha tembunge "arda")
    - Rujak kawis, rujake wong ireng manis. (padha tembunge "rujak")

Nyemak Pemacane Tembang

A.     
                Tembang macapat kalebu tembang geguritan tradisional,mula isih kaiket ing wewaton.Wewaton tembang macapat iku kaya mangkene :

·         Guru gatra yaiku cacahe gatra ing saben pada (Ind = paragraf)

·         Guru wilangan yaiku cacahe wanda (Ind = suku kata) ing saben gatra (Ind = baris)

·         Guru lagu yaiku dhong – dhinge swara ing pungkasane gatra

Tembang macapat cacahe ana 11,dene paugerane kaya ing ngisor iki :

1)      Mijil
Guru gatra : 6
Guru wilangan : 10,6,10,10,6,6
Guru lagu : i,o,e,i,i,u

2)      Maskumambang
Guru gatra : 4
Guru wilangan : 12,6,8,8
Guru lagu : i,a,i,a

3)      Gambuh
Guru gatra : 5
Guru wilangan : 7,10,12,8,8
Guru lagu : u,u,i,u,o

4)      Sinom
Guru gatra : 9
Guru wilangan : 8,8,8,8,7,8,7,8,12
Guru lagu : a,i,a,i,a,u,a,i,a

5)      Asmarandana
Guru gatra : 7
Guru wilangan : 8,8,8,8,7,8,8
Guru lagu : i,a,e,a,a,u,a

6)      Dhandanggula
Guru gatra : 10
Guru wilangan : 10,10,8,7,9,7,6,8,12,7
Guru lagu : i,a,e,u,i,a,u,a,i,a

7)      Kinanthi
Guru gatra : 6
Guru wilangan : 8,8,8,8,8,8
Guru lagu : u,i,a,i,a,i

8)      Pangkur
Guru gatra : 7
Guru wilangan : 8,11,,8,7,12,8,8
Guru lagu : a,i,u,a,u,a,i

9)      Durna
Guru gatra : 7
Guru wilangan : 12,7,6,7,8,5,7
Guru lagu : a,i,a,a,i,a,i

10)   Megatruh
Guru gatra : 5
Guru wilangan : 12,8,8,8,8
Guru lagu : u,i,u,i,o

11)   Pucung
Guru gatra : 4
Guru wilangan : 12,6,8,12
Guru lagu : u,a,i,a

Ruro basa

Rura basa asalae saka tembung rura lan basa.

Rura tegese rusak.

            Dadi rura basa tegese basa sung rusak, basa sing salah, nanging malah wis kaprah. Dadi sejatine rura asa iku basa sing salah, nanging wis dianggap lumrah, yen dibenerake malah salah / ora lumrah.

Tuladhane :

             a.      Nggodhog wedang, benere nggodhog banyu supaya dadi wedang.

             b.      Nguleg sambel, benere ngulek lombok, uyah, lan trasi digawe sambel.

             c.      Negor gedhang, benere negor wit gedang.

Wacan ing ngisor iki sing kalebu Rura Basa iku sing di garis bawahi lan diwarna abang. !!

           

            Dina Minggu ing umah ku rame banget. Mas lan mbak saka Surabaya padha teka kabeh. Mulane ibu adang sega lan nggodhog wedang rada akeh. Amarga ibu arep kelan lhodeh lan netel jadah. Mas Iwan di utus ibu menek klapa. Banjur Mbak Wati ngrewangi ibu ngulek sambel lan ngirisi dhendheng.

            Aku seneng banget amarga ing omahku rame, ora sepi kaya biasane. Aku ora nulungi ibu masak amarga diutus njaga ponakan ku sing isih cilik. Aku dolanan ing mburi omah, ndelok tanggaku Mbah Pariyo sing lagi nglinthing rokok mbarengi Mbah Sanah sing lagi ngernam klasa

DONGENG

                                                    DONGENG

Dongeng yaiku crita rakyat sing isine ngayawara utawa tanpa kasunyataan,gunane kanggo panglipur utawa ngisi wektu.

JENISE DONGENG KEPERANG KAYA ING NGISOR IKI.

1.      Fabel
Dongeng kang paragane satokewan,kang adat tatacarane kaya manungsa.
Tuladha : Pelesi Glatik,Kancil lan Baya.

2.      Mite
Dongeng kan isine mendharake kedadean kang ghoib ono hubungane karo kepercayaan jaman kuno.
Tuladha : Nyai Rara Kidul.

3.      Legendha
Dongeng kang nyritakake dumadine alam utawa kaanane alam.
Tuladha : Mula Bukane Surabaya,Asal Usul Kota Banyuwangi.

4.      Sage
Dongeng sing isine gegayutan karo sejarah,nanging akeh wuwuhane.
Tuladha : Jaka Tingkir.

5.      Lugu
Dongeng kang isi critane sarwa aneh ora klebu nalar.
Tuladha : Jaka Kendil.

6.      Gegedhuge (wiracarita/hikayat)
Dongeng kang isine nyritakake para linuwuh ing jaman biyen.
Tuladha : Panembahan Senopati.

NINDAKAKE WAWANREMBUG (WAWANCARA)

Wawanrembug yaiku patemonan antarane wong sing menehi pawarta lan sing diwenehi pawarta kang duweni tujuan tertentu.

Urutane wawanrembug ana 3 yaiku :

Bagian Pambuka

1.    Uluk salam

2.    Sebutake narasumber

3.    Sebutake jenenge,identitas narasumber

4.    Negesake maksud

Bagian Inti

1.      Pitakon pembuka

2.      Inti wawanrembug

3.      Nyatet wawanrembug

Bagian Penutup

1.      Ngucapake matur nuwun

2.      Nyampekake kesan positif

3.      Salam penutup

MACA

Bab – Bab Sing Kudu Digatekake Sajroning Maca Cepat,Yaiku:

1.      Anggone maca ing jero batin wae

2.      Maca sing becik kudu sinambung

3.      Ora mbaleni ukara

4.      Kudu nggatekake tembung – tembung sing wigati

5.      Mahami gagasan baku

Teknik Maca Cepat Ana Loro (2) Yaiku :

1.      Teknik scanning (pindai) yaiku maca cepet teks sing oora jangkep,langsung maca pawarta sing sibutuhake.
Tuladha : maca buku telpon,maca kamus,lsp.

2.      Teknik skimming (layang) yaiku maca cepet teks kanthi jangkep,wiwit nganti pungkasaning teks.
Tuladha : maca teks kanggo nemtokake simpulan.